राडीपाखी बुनाइ सम्बन्धि पुर्ण ज्ञान भएको प्रशिक्षक आवश्यकता सम्बन्धि सुचना

मिति २०७५ मंसिर ९

सन्दकपुर घोषणा-पत्र

फालेलुङ सन्दकपुर माइजोगमाइ सिदिङवा र याङवरक गाउँपिलकाको उच्च पहाडी तथा पर्यटकिय सम्भावना भएका क्षेत्रहरुको एकिकृत रुपमा पर्याटन विकास गर्नको लागि देहाय बमोजिमको कार्ययोजना तय गरी सन्दकपुर घोषणापत्र जारी गरियो ।

1. अन्तर स्थानीय तह सम्नवय समिति गठनः घोषणापत्रमा उल्लेखित कार्यायोजना कार्यान्वयनका लागि देहाय बमोजिमको समन्वय समिति गठन गरियो ।

1. संयोजकः फालेलुङ गाउँपालिका अध्यक्ष ।
2. सदस्यहरुः सन्दकपुर, माइजोगमाई, सिदिङवा तथा याङवरक गाउँपालिकाका अध्यक्षज्यूहरु ।
3. सदस्यहरुः सदस्य गाउँपालिकाका उपाध्यक्ष ज्यूहरु तथा प्रमुख प्रशासकीय अधिकृत ज्यूहरु ।

उल्लेखित समितिका सदस्य सचिव फालेलुङ गाउँपालिकाको प्रमुख प्रशासकीय अधिकृत रहनेछन् ।

उल्लेखित समितिमा संघीय सांसद माननिय श्री बसन्त कुमार नेम्वाङ संरक्षक रहनुहुनेछ ।

इलाम पाँचथर तथा ताप्लेजुङ जिल्लाका प्रदेश सभा सदस्य ज्यूहरु तथा जिल्ला समन्वय समितिका प्रमुखज्यू सल्लाहाकार रहनु हुनेछ ।

1. अन्तर स्थानीय तह समन्वय समितिले देहायका विषयहरुमा निर्णय गर्ने छ ।

1. कञ्चन्जंघा वेस क्याम्प पदमार्ग निर्माण तथा निर्माण सहजिकरण सम्बन्धमा ।
2. खानेपानी मोटरवाटो तथा विद्युत विस्तार लगायतका पुर्वाधार निर्माण सम्बन्धि ।
3. चौरी संस्कृतिको उचित व्यबस्थापन सम्बन्धमा ।
4. प्रयटकीय आवास होम स्टे संचालनका लागि क्षेत्र पहिचान गर्दै मौलिक संस्कृति र मौलिक उत्पादनको प्रवर्दन सम्बन्धमा।
5. प्रदेश तथा संघीय सरकारसँग यस क्षेत्रको विकास सम्बन्धमा आवश्यक समन्वय सम्बन्धमा ।
6. रेडपाण्डा जडिबुटी पानिको मुहान जलश्रोत तथा वातावरण संरक्षण सम्बन्धमा ।
7. धार्मिक क्षेत्र पहिचान गरी धार्मिक तथा सांस्कृतिक प्रर्यटन विकास सम्बन्धमा ।
8. तुम्लिङ सन्दकपुर चारराते तथा फालोट क्षेत्रमा संञ्चार विस्तारको लागि नेपाल टेलिकमको टावर स्थापना सम्बन्धमा ।
9. सीमा सुरक्षाका लागि Border Out Post (BOP) निर्माण तथा सहजीकरण सम्बन्धमा ।

उल्लेखीत कार्यविवरण अनुरुप आवश्यक छलफल गरी दिर्घकालिन रणनीति तय गर्न समन्वय समितिको बैठक २०७५ पौष १ गते सन्दकपुर गाउँपालिकाको केन्द्रमा बस्ने निर्णय गरियो ।

मिति २०७५ मंसिर ९ गते रोज १ शुभम्